Ministri i Financave dhe Ekonomisë z. Arben Ahmetaj dhe drejtori i Agjencisë Gjermane për Bashkëpunim Ndërkombëtar z. Hans-Jürgen Cassens nënshkruan marrëveshjen e bashkëpunimit për zbatimin e projektit “Këshillimi për migracionin”, projekt që është pjesë e Programit Global “Migracioni për Zhvillim” (PME) të autorizuar nga Ministria Federale gjermane për Bashkëpunim Ekonomik dhe Zhvillim (BMZ).
Ministri i Financave dhe Ekonomisë, Z. Arben Ahmetaj dhe Drejtori i Zyrës së KfW-së (Banka Gjermane për Zhvillim), Z. Björn Thies nënshkruan marrëveshjen që mundëson një financim prej 1.95 milionë euro për të kryer studime paraprake për investime në lidhje me furnizimin me ujë dhe kanalizime në rreth 11 bashki në të gjithë vendin.
Ministri i Financave dhe Ekonomisë, z. Arben Ahmetaj ka marrë pjesë sot në Takimin Vjetor të Bankës Europiane për Rindërtim dhe Zhvillim (BERZH), i cili po zhvillohet në Jordani. Në fokus të këtij takimi janë investimet e Bankës në vendet ku ajo operon, si dhe perspektiva e zgjerimit në rajonin e Afrikës Sub-Sahariane.
Komisioni i Përbashkët i bashkëpunimit ekonomik Shqipëri-Kroaci zhvilloi Sesionin e tij të 5-të, më 15 Maj 2018, në Zagreb të Kroacisë, nën kryesimin e Zv.Ministres së Financave dhe Ekonomisë së Shqipërisë, znj. Albana Shkurta dhe Ndihmësit të Ministrit të Ekonomisë, Sipërmarrjes dhe Artizanatit të Kroacisë, z. Zvonimir Novak.
Ministri Ahmetaj takohet me Drejtoreshën Ekzekutive të Agjencisë Suedeze për Bashkëpunim Ndërkombëtar (SIDA), znj. Carin Jämtin Ministri i Financave dhe Ekonomisë, z. Arben Ahmetaj, priti sot në një takim Drejtoreshën Ekzekutive të Agjencisë Suedeze për Bashkëpunim Ndërkombëtar (SIDA), znj. Carin Jämtin, së bashku me delegacionin që e shoqëronte.